語說：種著歹田望後冬，娶著歹某一世人，阮是嫁得好尪吃未空。年底到了，大家都有很多機會去參加婚禮，阮嘛是足愛去ㄟ，不是阮愛吃，是因為在婚禮當中，可以感受到新郎和新娘幸福快樂的氣氛，也會凍給我想起當冬時我哩選夫婿的情形，我最怕的是他家在種田和許多兄弟的家庭，阮住在庄腳都嘛知，做這種家庭的媳婦一定足辛苦，我有一個男同學他家就是這樣，結果月老偏偏要我嫁給他，  這叫做越越會遇上，奉勸在座未婚的女性朋友，千萬不莫說最怕嫁到緣投又有錢的ㄤ。

接下來講一下我那個趣味的尪，真是好耍又不會變臉，我這個某嘛不是歹某，只是卡愛甲伊答嘴鼓，ㄝ，這話講久阮尪口才嘛會變好，有多好，好到半夜伊在睡問伊卡早哪一個女朋友尚美，答案永遠是”某尚美”。

阮尪不僅口才好，演技更較好，假日去買菜，出去買東西，錢都是伊在赴，回來才怪我口袋掏未赴，去菜市場買菜，物仔都是伊在提，菜市的頭家娘都很欣羨，為什麼他們的尪婿不如伊，他就越提越趣味，但是我共您講，他是驚我手痠要跟甲我馬殺雞，那些菜提到廚房伊就甲伊囥下去，剩下的變做我的代誌，有一次，我同事說伊看到阮仔陪我去買菜，實在足好命，我想足久，原來那個是阮尪婿，從此我就決定梳妝打扮我自己，絕對不可以變做某大姊。

阮尪也是一個好爸爸，孩子上下課攏是他在載，因為我就工作忙碌、朋友多又愛開講，  一半擺他無閒換我載，孩子就會怨嘆都是尚尾一個在等待，後來我想到一個撇步，教小孩去書局等我，可以免費看書擱不生氣，孩子功課進步真歡喜。說到學校功課都是阮尪在檢查，聯絡簿也都是伊在簽，有一晚伊共我講：美某ㄟ，緊來簽，若不簽，老師會勿會阮家是單親的家庭。

阮尪對我實在是真好，垃圾都是伊在倒，有一日他回家共我講，社區裡都是太太出來倒，叫我後回自己去倒，我說:尪ㄟ，你不知我犧牲很大去予笑懶惰，來成就他這個社區新好男人，過不多久，阮尪轉來講隔壁的吳先生、葉先生、蔡先生即馬嘛攏出來倒，你看，我的犧牲是不是很有價達，阮尪是社區的好模範。但是某懶惰阮尪還是凍未條，伊講我是阮家最大又無路用的垃圾，叫我垃圾車來自動走上去，這若換作您一定會很生氣，對嗎？但是，這個時候一定要冷靜，才可以發揮做查某人的自信，我講：若要上去我也要選擇後面那台，那台叫做”資源回收車”，因為我是有行情甲有價值ㄟ，別人一定會隨甲我抾去資源再利用，那你是屬於頭前那台垃圾車，直接丟下去。

共您說這呢多，你們千萬不可誤會我在茨真的沒在做代誌，阮家是一個標準的男主外、女主內的家庭，只要別人看ㄟ著，像載孩子、倒垃圾、買菜，都是阮尪的代誌，連掃地伊嘛揀門口，別人看袂著，像煮飯、拭廁所、清理裡面，攏是阮ㄟ空課，阮尪有時擱會嫌歹命，我就講，無，咱來換一下，看那一個較好。

人說：冤家冤家，不冤不成家，我剛才講真濟生活中的趣味給您聽，其實是要共您講尪仔某的關係就像在跳恰恰，尪若生氣的晉前一步，某就要溫柔的退後一步，尪若心情好自動退一步，咱們就要趁機會甲伊跨過去。其實，尪仔某鬥陣沒一定的規則和道理，只要兩個歡喜就好。尪仔某冤家是正常，就像牙齒嘛會咬到嘴舌，既然是嘴的問題就用嘴去共伊解決，尪仔某若冤家，阮就用阮的嘴唇共伊的嘴唇甲伊撫撫咧，效果哪袂好，嘴舌鬥勒啦啦哩，甲您講這招好用又不退流行。

親愛的朋友，因為即馬的社會，每一個人都較有壓力，既然結婚成為尪仔某，就要互相體諒，婚姻是需要用心經營與學習的，這樣家庭自然會幸福快樂，希望「有一天阮若老，有子孫共阮有友孝，阮也愛陪伊四界趴趴走，阿咾伊愈來愈英俊緣投，吃老擱這麼賢。