我的志願最終版   1664字 (3.875字/秒)
  
你-甘會記得細時的志願!有人想欲做運動選手有人想要當歌手，凡世你是父母交代要做醫生抑是老師，細漢的時我有一個跟您攏無共款的志願。彼時陣爸爸治屋頂養一廚的粉鳥。粉鳥-有象徵和平的意思，過去粉鳥擱會當幫忙飛鴿傳書!不過爸爸養的粉鳥不是欲幫忙飛鴿傳書，也不是欲要祈求世界和平，是欲來放粉鳥比賽，共人拚輸贏的，就是將粉鳥帶去真遠的所在，放乎自己飛回來，比賽看誰的粉鳥上緊回來!

放粉鳥比賽上刺激的就是，佇厝頂等粉鳥飛轉來的時，忽然間佇真遠的空中，有一個比胡蠅擱卡細的黑影，親像槍子一直衝過來，然後佇空中圈輪轉了後歇落下、衝入去粉鳥櫥飲水，這時陣要馬上將伊腳骨比賽的腳環提落來，裝入去鴿鐘內底，鴿鐘就是比賽粉鳥專用的時鐘，專門記錄每一隻粉鳥飛轉來的時間。第一隻飛轉來，必須帶去會場報到!彼是上緊張的時陣，大家都是拼上緊的速度，帶粉鳥衝去會場，哪會當拚到第一名，哇!全家伙仔大聲呼喊、強欲歡喜死。曾經爸爸養過一隻黑斑的粉鳥母，連續3關拿到全會的第一名!後來伊幫爸爸贏真濟獎金。

哇!原來放粉鳥比賽竟然是這呢緊張刺激擱好耍的代誌。那時陣我治學校的功課是普普的，但是我非常認真讀冊，不過攏毋是讀學校的冊；是爸爸買的共飼粉鳥有關的冊，優良的粉鳥要有甚麼款的體型、骨架、眼睛的眼神、牠的翅股，甚至這隻粉鳥的血統；攏會影響這隻粉鳥是不是毋是會當變成優良的比賽選手!這就是彼當時我在研究的學問，比學校的功課閣卡認真!國小五級的時，老師出的作文題目要阮寫:我的志願，哪著想啦!我的志願就是以後要飼真多粉鳥參加比賽!老師特別叫我去辦公室問這代誌，我跟伊說阮爸爸飼粉鳥比賽，賺真濟獎金，我擱教老師欲安怎飼粉鳥呢；後來老師說要到阮兜做家庭訪問，我跟爸爸說老師講欲來共你請教安怎飼粉鳥呢!你看甘有可能，是欲來共阮媽媽投啦!說是安怎恁後生的志願是以後要飼粉鳥。

恁應該常聽人說放粉鳥這句話，其實有兩種含意，朋友跟你約好，結果伊沒來，啊!你予人放鳥啦! 擱另外一款意思就是佇咧做一些無正經的頭路。放粉鳥比賽其實是一種跋筊的活動，伊是利用粉鳥自己會飛轉來厝的本性，來當作跋筊的工具，粉鳥的主人為了欲乎比賽的粉鳥趕緊飛轉來，通常會在比賽期間幫伊配對，乎伊佇咧孵卵抑是飼子的時參加比賽，粉鳥母為了照顧厝內的囡仔，會拼性命飛轉來，但是這一路非常的辛苦、往往有一半卡加沒法度佇規定的時間內飛轉來，照現在的社會標準來說，這呼著虐待動物。是啊 !小小年紀的我就志願以後要做這款不正經的頭路，實在是不知輕重，當然老師嘛要來關心一下，這到底這是一個什麼款的家庭，是按怎會教出這款囡仔!

了後，媽媽沒法度忍受爸爸一直瘋這款放粉鳥、跋筊的活動，連他的寶貝後生也跟著撩落去；有一工伊利用爸爸出門做生意，偷偷將爸爸比賽 粉鳥最重要的那卡鴿鐘，大下摔至塗跤!爸爸要帶鴿子去比賽才發現!心狂火著的爸爸，出手打媽媽，傷心無奈的媽媽只好覕轉去後頭!我有6個兄弟姊妹，媽媽帶尚細漢的彼兩位轉去，交代我共阮大姊要照顧另外兩個小妹!但是過無三天、無奈的媽媽，放未落厝內的囡仔，嘛只好轉來厝的；就親像彼隻于𤆬去比賽的粉鳥母，為著厝內的囡仔，閣較遠的距離、閣較困難的環境，攏會拼性命飛轉來。但是你可會知曉那隻從千里以外飛回來的粉鳥母，衝進進鴿舍飲水了後，不是躲起來休息，是要將他喉嚨內底，不捨吞下肚子底那口嘴飼料，吐出來飼伊的囡仔，然後用他的肚子當作棉被來溫暖他的囡仔。就像我的媽媽，從後頭轉來，先將家厝內安搭好勢了後，趕緊入去廚房，為伊心愛的子兒，準備一頓燒燒的暗頓!感謝我的媽媽，用她堅強的決心甲無限的愛心改變了我的志願，嘛改變了我的人生!

有一天我去參加國小的同窗會，老師閣會記得我尚愛飼粉鳥、嘛真愛上台講故事，伊交代我應該愛勇敢講出自己的故事!有同學會記得我講過一個虎姑婆的故事，虎姑婆會覓至暗暗的所在，將無乖的囡仔掠去，害他驚得暗時不敢去便所。其實我這馬的志願、是退休了後、來去學校、擔任講故事的志工，我昧說虎姑婆的故事來甲IN嚇驚，我會跟這些囡仔交代，咱做人要誠懇! 勿通隨便共放粉鳥；要會曉體諒媽媽的辛苦，莫乎媽媽得閣拚性命轉去照顧咱的囡仔!乎IN健康大漢、勇敢飛出去! 追求自己的夢想，向世界傳送和平的消息!

主持人